Atuisunut akit naleqqersuutaat
Ukiup affaa kingulleq, juuli 2014-imiit januaari 2015-imut atuisunut akit naleqqersuutaat tamarmiusoq 0,9 pct.-mik qaffappoq, ukiup siuliani piffimi pineqartumi naleqqersuut 0,9 pct.-mik qaffattoq. Atuisunut akit naleqqersuutaat januaari 2014-imiit januaari 2015-mut 1,5 pct.-mik qaffappoq. Januaarimiit 2011 januaari 2015-imut atuisunut akit ukiup affaanoortumik procentinngorlugu nikittarnerat titartakkami 1-imi nalunaagaavoq.
Titartagaq 1. Januaari 2011-miit januaari 2015-mut atuisunut akit ukiup affaanoortumik procentinngorlugu nikittarnerat
Najoqqutaq: http://bank.stat.gl/PRNPRISV Indeks (2008=100)
Qaammatini aqqaneq marlunni atuisunut akit procentinngorlugu qaffattarneri titartagaq 2-mi nalunaagaapput.
Titartagaq 2. Qaammatini aqqaneq marlunni atuisunut akit procentinngorlugu qaffattarneri
Najoqqutaq: http://bank.stat.gl/PRNPRISV Indeks (2008=100)
Atuisunut akit naleqqersuutaat inuussutissianut imeruersaatinullu aalakoor-nartortaqanngitsunut titartakkami 3-mi takutinneqarpoq. 2010-mi naleqqersuutip assigaa 100. Takuneqarsinnaavoq, Kalaallit Nunaanni ineriartorneq danskit ineriartornerat qanillugu inissisimasoq, kisianni juuli 2013-imiit inuussutissianut imeruersaatinullu aalakoornartortaqanngitsunut akit danskit akiinit qaffasinnerulersimallutik, savalimmiuni naleqqersuut piffik pineqartoq tamakkerlugu appasinnerusumik ineriartorsimasoq.
Titartagaq 3. 2010-miit 2015-mut Kalaallit Nunaanni, Danmarkimi Savalimmiunilu atuisunut akit naleqqersuutaat inuussutissianut
Najoqqutaq: http://bank.stat.gl/PRNPRISVIndeks (2008=100), Danmarks Statistik PRIS6: Atuisunut akit naleqqersuutaat (2000=100) nioqqutissanut eqimasunut ataasiakkaanullu. Savalimmiut kisitsisit atorlugit nalunaarsuutaat Atuisut akiisa kisitsisaat, nioqqutissanut eqimasunut kvartalenullu, Brúkaraprístalið, skift á høvuðsbólkar og ársfj. 1.ársfj. 2001=100 (2001-2014)